NATACIÓN: Métodos de romolque indirectos ou con material de rescate individual

• O socorrista acuático realiza o rescate con axuda de material

• Non hai necesidade de contacto co accidentado

ELECCIÓN DO MATERIAL DE RESCATE

1. Dispoñibilidade: non debe provocar dúbidas ou perda de tempo por pensar cal é o máis adecuado.  
2.  Flotabilidade: Permitir manter ao accidentado coa cabeza fora da auga, facilitar accións propulsivas e respiración artificial. 
3. Hidrodinámica: pouca resistencia ao avance
4. Tamaño: evitar contacto directo co accidentado, seguridade ao accidentado e fácil manexo
5. Manexabilidade: de fácil dominio.

CONSIDERACIÓNS SOBRE A UTILIZACIÓN DO MATERIAL DE RESCATE

• Debe interpoñerse, sempre que sexa necesario, entre o accidentado e o socorrista acuático para a propia seguridade de este.

•  O material non é garantía de que o accidentado quede tranquilo; o socorrista acuático ten que seguir controlando o rescate e non deixarse coller por aquel.

• O material posibilita ao socorrista acuático unha maior facilidade para poder comunicarse co accidentado e tranquilizalo.

• Facilita en gran medida a posibilidade de aplicación de respiración artificial ao accidentado dentro da auga, polo que é aconsellable nos casos de accidentado inconsciente que o socorrista acuático comprobe inmediatamente se respira ou non.  

No caso de non respirar pódense aplicar dúas insuflacións ao accidentado e seguir remolcando, alternando as insuflacións coas accións propulsivas.

• O material facilita o traballo do socorrista acuático, pero coñecer este non é suficiente. É necesario adestrar as diferentes técnicas de utilización do material e en situacións distintas.

• Nun principio, considérase material de rescate todo aquilo que facilite un salvamento acuático, por iso pode ser tan variado e distinto.

MATERIAIS DE RESCATE

• Flopi ou brazo de rescate

•  Lata de rescate ou boia torpedo

•  Aro salvavidas

• Camilla (extracción)

• Gafas e tubo

•  Roupa

• Aletas

   o   FLOPI OU BRAZO DE RESCATE

É un flotador alargado (1 m) de material flexible, de gran flotabilidade e cun sistema de enganche rápido que facilita a unión dos extremos para rodear o corpo do accidentado no rescate. Dos enganches sae unha corda de dous metros aproximadamente que, a súa vez, vai unida a unha cinta que o socorrista pode colocarse na bandoleira.

Técnicas de rescate flopi

1.    Accidentado incosciente “boca arriba”

Cando nos acercamos a vítima pegamos un tirón do cabo para acercar o flopi e apoiamos as dúas mans no flopi afundíndoo e colocándoo debaixo das costas do accidentado. Cando estamos enganchándoo, empezamos coa patada para gañar tempo.

2.    Accidentado inconsciente “boca abaixo”

Cando nos acercamos a vítima pegamos un tirón do cabo para acercar o flopi e apoiámonos nel cun brazo (polo antebrazo) para afundilo un pouco. Coa man libre agarra o pulso do lado contrario (man dereita con man dereita) coa palma por debaixo para facilitar o xiro. Tiramos del e colocámolo encima do flopi. Cando estamos enganchándoo, comezamos coa patada para gañar tempo.

Outra forma, é chegar ao accidentado polas costas, colocar o flopi nelas, coller pola axilas e colocalo encima do flopi.

3.    Accidentado consciente

-       O socorrista chega nadando ata situarse a 2 m. do accidentado

-       Entrégalle o flopi para que o agarre e comeza a trasladalo.

-       O socorrista soe utilizar patada braza dorsal ou lateral coa axuda do brazo libre mentres que o outro brazo controla a corda.

-       En situacións de gran risco (olas, correntes, etc) abrochar o flopi orredor do torax.

  o   LATA DE RECATE

Material ríxido, semilixeiro de plástico endurecido, de gran flotabilidade, de forma ovalada e cun sistema de asideiros nos seus laterais aos que se suxeita a persoa accidentada si está consciente. Ao flotador vai fixada unha corda de dous metros aproximadamente que, a súa vez, vai unida a unha cita ancha das mesmas características, que a do flopi.

Inconvintes

-       A súa dureza fai posible que os golpes podan danar aos implicados no rescate.

-       Non se pode bucear con el a máis de dous metros de profundidade.

-       A súa utilización é aconsellable unicamente con accidentados conscientes.

-       A súa forma fai que agarrarse a el non sexa fácil e menos aínda no caso de accidentados histéricos.

-       Non permite un control eficaz do accidentado

-       As técnicas de utilización para accidentados inconscientes precisan moita habilidade e entrenamento.

Tecnicas de rescate lata

1.    Accidentado inconsciente

-       Acercámonos pro detrás e pasamos a man coa lata (dereita por dereita) por debaixo dun dos brazos ata colocala no peito.

-       A outra man pasará por debaixo do outro brazo e agarrará a lata. Desta forma a vítima queda moi segura para arrastrar. 

2.    Accidentado consciente

Acercámonos fronte a vítima e ofrecémoslle a lata para que a agarre. Ofrecémola pola asa lateral, de forma que cando se agarre, empurraremos a parte pola que estamos agarrados nosoutros de forma que pase por debaixo dos seus antebrazos e quede apoiada neles, colocando a vítima en posición máis segura.

  o   ARO SALVAVIDAS

É de material lixeiro, de gran flotabilidade, de forma circular e cun tamaño suficiente para que no seu interior se poda meter o corpo dunha persoa. Pódese encontrar so ou unido a unha corda.

Inconvintes

-       Non é moi manexable

-       O seu tamaño, peso e forma non permite un acercamento rápido ao lugar onde se encontra o accidentado.

-       Tampouco permite un remolque rápido da persoa

-       A súa utilización con olas é difícil.

-       Non se pode bucear con el.

-       A súa dureza non evita que os golpes fortuitos que podan recibirse teñan consecuencias negativas para a integridade física dos implicados.

Técnicas de rescate aro salvavidas

1.    Accidentado inconsciente

-       Aproximación frontal con vítima inconsciente: colocamos o flotador de fronte a vítima e afundímolo pola parte inferior e central cunha man. Pasamos a outra man polo interior do flotador agarrando o pulso do accidentado e tirando del para introducilo no aro.

-       Si se encontra boca abaixo, agarraremos o pulso do lado contrario a nosa man ( man dereita con man dereita) coa palma por debaixo para facilitar o xiro ao tirar a vítima e introducilo no aro.

2.    Accidentado consciente

-       Debemos aproximarnos de fronte a vítima e ofrécelle o aro para que se agarre a el. Unha vez agarrado elevarase a parte da que estamos suxeitos para que pase por encima del e quede dentro.

  o   RESCATE CON ROUPA: Descrición.

Cando nos encontramos sen material de rescate a roupa pódenos servir facilitándonos a operación de remolque do accidentado. É importantísimo coñecer a técnica para quitarse a roupa dentro da auga:

-       Manter a calma

-       Quitarse unha prenda cada vez tomando aire suficiente entre cada prenda

-       Evitar os movementos bruscos

-       Adoptar unha posición agrupada para quitarse as prendas máis complicadas (pantalóns).

Arrastres

1.    Con accidentado consciente

O socorrista entrega un extremo da prenda sen acercarse demasiado ao accidentado, eliminando o risco de contacto directo.

2.    Con accidentados inconscientes

O socorrista asegúrase que o accidentado teña as vías respiratorias fora da auga e seguidamente pasa a prenda cruzando o peito e polas axilas do accidentado. Cunha ou dúas mans agarraraos para realizar o remolque.