Ola de novo!!
Despois de case dúas semaniñas de
clase xa teño varias experiencias novas que contarvos, comezarei falando do
Rugbytag, o que dedicarei esta entrada, e tamén comentarei algún aspecto sobre
metodoloxía.
O Rugbytag, é un deporte de Rugby
pero sen contacto. Utilízanse uns cintos que levan tódolos membros de ambos
equipos con dúas solapas de velcro onde se pegan dúas cintas. Este material
permite eliminar o elemento de contacto presente no Rugby, polo que é un bo
deporte tanto para nenos/as como para adultos.
Máis adiante comentarei máis
profundamente en que consiste e cales son as súas normas, pero agora quero
centrarme nas explicacións sobre metodoloxía para unha boa e fácil aprendizaxe
deste deporte por tódolos colectivos de persoas, que nos deu o noso profesor
Eduardo.
Eduardo en vez de sentarnos e
darnos unha clase maxistral a par que aburrida sobre as normas do Rugbytag, o
que fixo foi, desmenuzar este deporte, simplificalo, para logo irlle engadindo
pouco a pouco novas normas. Primeiro coñecemos o material (cintos y balón de
Rugby), e para ir familiarizándonos con el xogamos a quitarnos as cintas para
ver que equipo quitaba máis, e tamén o xogo dos dez pases, que consiste en que
cada equipo tense que dar dez pases seguidos sen que o outro equipo lle quite o
balón, e se llo quitan hai un cambio de posesión e comeza a conta para o equipo
adversario. Estes xogos de primeiro contacto foron moi divertidos e
permitíronnos tamén coñecer unha boa forma de organizar un gran grupo para que
todo o mundo estea en funcionamento e aprendendo.
Este método de organizar consiste
en dividir o grupo en equipos, pero como o grupo é moi grande haberá demasiados
equipos como para que todos estean xogando a vez, polo que mentres catro
equipos se enfrontaban dous a dous os outros dous equipos esperaran a súa
quenda, pero esta espera non debe ser moi longa, as rotacións débense facer o
pouco tempo, por exemplo, cando un equipo consiga un tanto, un gol, un ensaio
produciríase o cambio. Cando xa se lle engade máis normas o deporte o equipo
que está sen xogar pode facer de árbitro, e está e unha forma de implicar a
todo o mundo no xogo.
Ben, despois deste parénteses
sigo contándovos como Eduardo foi engadindo normas para que pouco a pouco
fósemos aprendendo. O seguinte paso foi engadir unha zona de ensaio para cada
equipo, onde mediante pases chegarían para facer ensaio, logo engadiuse a norma
de que se un membro do equipo adversario lle quitaba unha cinta ao xogador en
posesión do balón cantábase un Tag, e os equipos tiñan que recolócanse (o
xogador ao que lle quitaron a cinta quedase nese lugar e é o que saca, os
compañeiros colócanse por detrás del e os adversarios a uns 3 metros por
diante). Ao terceiro Tag pérdese a posesión do balón. Cando xa tíñamos claras
estas normas engadiuse a prohibición de pasar cara adiante o balón, e se a
algún membro do equipo se lle cae o balón cara adiante sería falta e chamase
"adiantado", o que implica a perda de posesión do balón. E tamén nos explicou que se algún membro do equipo non acataba as normas o árbitro pode sancionalo quitandoo do partido ou adiantando os adverarios 10 mentros.
Por agora aí nos quedamos, no que
a normas se refire, pero xa nos quedou claro que usando a estratexia de ir incluíndo
normas e pautas pouco a pouco facilita o aprendizaxe dun novo deporte, tanto a
nenos/as como a maiores. Agora paso a explicar algo máis detallado en que
consiste o Rugbytag:
¿Que é o Rugbytag?
Consta dun equipo de 12 xogadores con 7 no campo. Cando o equipo defensor (sen balón) quita a cinta dun xogador do equipo atacante (con balón), isto e como un placaxe. É un deporte que poden practicar tanto pequenos como maiores e en equipos mixto.
É un deporte sen contacto, calquera forma de contacto intencional está prohibido e pode ser sancionado con unha tarxeta amarela ou vermella (o xogador ten que abandonar o campo). Calquera forma de contacto non intencional pode estar sancionado cun golpe de castigo e/ ou cambio de posesión.
Reglas do Rugbytag para adultos
A defensa
Os xogadores en
posesión da defensa non poden tocar aos xogadores atacantes, so poden coller
unha cinta (Tag) e quitarlla. Tódalas outras formas de contacto non están
permitidas. Se esta norma non se respecta o equipo será penalizado.
O placaxe(Tagging)
Ao comezar
un novo ataque a liña de defensa debe estar a 7 metros detrás da posición do
balón. Unha vez comezado a defensa pode avanzar.
Un placaxe
consiste en quitar un Tag ao xogador atacante con balón. O xogador atacante non
pode impedir que o xogador en posición de defensa lle quite o Tag nin pode
tapalo co mesmo fin. Si un xogador en defensa quita un Tag ao equipo atacante,
este debe berrar “Tag”. O equipo en posición de ataque ten 6 oportunidades para
atacar en cada posesión. Despois da sexta a posesión pasa ao outro equipo.
O fora de xogo
Despois do
placaxe todo o equipo en posición de defensa ten que colocarse a 7 metros
detrás do punto onde se produciu o placaxe. Non pode obstruír o xogo si o outro
equipo saca rápidamente.
O ataque
O equipo
atacante ten 6 intentos para marcar ensaio en cada posesión a menos que perda a
posesión. O xogador atacante debe correr cara o espazo ou un xogador en
posición de defensa. Si non hai espazo o xogador deba pasar o balón a outro
compañeiro. O xogador atacante que sexa placado debe volver ao punto de placaxe
para comezar o xogo e pasar o balón atrás co pe para recomezar o xogo, pero
inmediatamente debe pegarse o Tag, porque se toca o balón sen poñer o Tag
perdese a posesión do balón.
O pase
O balón debe
pasarse cara atrás, se pasa cara adiante e touche, que é unha falta e a
posesión pasará ao outro equipo.
Golpe avanzado
Cando o xogador intenta coller, pasar ou recoller o
balón e se lle cae cara adiante, a posesión pasará a outro equipo.
A patada
Pode darse
unha patada pero o balón non pode ir máis alto que o ombro dos xogadores. Un
xogador non debe dar unha patada directamente a outro.
Caer ou tirarse ao chan
Os xogadores
non se poden tirar o chan, é demasiado perigoso, tamén si un xogador co balón
cae o chan a posesión cambia ao outro equipo.
Na línea de banda
Se o balón sae fora
da liña de banda, a posesión pasa ao outro equipo e recomeza no punto que saíu.
Os recomenzos
Despois dun
ensaio de outro equipo recomeza o partido con unha patada de “drop” dende a súa
liña de ensaio. Para todos os demais recomezos o xogo comeza con un pase
gratis.
Marcar puntos
O obxectivo do
xogo é marcar ensaio. Un ensaio é cando un xogador pon o balón no chan detrás
da liña de ensaio do outro equipo. Non se pode tirar o chan para ensaiar. Un
ensaio ten un valor de 1 punto (salvo para os partidos mixtos nos que un ensaio
de unha muller vale 3 puntos). Non hai conversións.
As faltas
Para o contacto deliberado ou as faltas repetitivas o árbitro pode dar unha
tarxeta amarela (“sin bin”-7 minutos) ou unha tarxeta vermella ( o xogador ten
que deixar o xogo e o seu equipo xoga con un menos. Para as faltas o árbitro
pode dar a posesión ao outro equipo, avanzar o xogo 10 metros, xogar con
vantaxe, ou dar as tarxetas amarelas e vermellas.
A vantaxe
No lugar de
parar o xogo cando hai unha falta, o árbitro pode dar vantaxe ao equipo
contrario si hai posibilidade de que este poda obter unha vantaxe táctica ou
territorial. No caso de xogo perigoso ou de sospeitas de feridas a vantaxe non
debe ser permitida. O árbitro soluciona o problema.
As infraccións
Si hai
contacto intencionado ou infraccións repetidas o árbitro está obrigado a
mostrar tarxeta amarelo ou vermella. As infraccións poden ser penalizadas polo
árbitro da seguinte maneira: pasar a posesión ao equipo contrario; fisicamente
adiantar o xogo dez metros dando vantaxe ao outro equipo; sacar unha tarxeta.
As sustitucións
Pódense
facer substitucións en calquera momento e tantas veces como se queira cos 12
xogadores do equipo.
A seguridade
Recoméndase levar protección dentais por si hai colisións accidentais.
Tamén se recomenda usar pantalóns especiais para evitar que se enganchen os
dedos nos bolsillos e os cinturóns.
Ningún comentario:
Publicar un comentario