- Autoavaliación de crol

Como punto de partida para a autoavaliación do estilo crol aquí deixo a ficha de avaliación na cal Gustavo e Adrián observaron e puntuaron os distintos aspectos da miña técnica de crol.

Será pois, o instrumento que usarei para ver os meus puntos frouxos a mellorar e os meus puntos fortes a manter  ou incluso perfeccionar.

AVALIACIÓN DO ESTILO CROL

ALUMNO AVALIADOR: Gustavo Jato Lapido e Adrián López Gonzalez

ALUMNO AVALIADO: Lucía López López

POSICIÓN DO CORPO	1	2	3	4
Posición case horizontal				x
Cabeza lixeiramente levantada			x
Sen movementos arriba - abaixo				x
Sen movementos laterais			x
Realización de rolido				x

ACCIÓN DAS PERNAS	1	2	3	4
Planta dos pes rompen a superficie	x
Flexión correcta de xeonllo			x
Profundidade correcta de batido	x
Coordinación do batido e da brazada			x
Nocellos estendidos e relaxados			x

ACCIÓN DOS BRAZOS	1	2	3	4
A man entra co cóbado alto e fronte ao ombro				x
O agarre é lento			x
O agarre é profundo con cóbado alto				x
Tirón e empurre cerca da liña media			x
A man acelérase durante a tracción			x
A man sae polo muslo sen parada				x
Recobro con cóbado e ombro elevados			x
O cóbado guía a man no recobro			x
A acción dos dous brazos é simétrica				x

RESPIRACIÓN	1	2	3	4
Saca a cara a vez que comeza o recobro				x
Mete a cara a vez que entra a man				x
Move a cara cara adiante			x

1. Acción moi incorrecta. 2. Regular. 3. Ben 4. Moi ben.

             

Logo de analizar a anterior ficha, podemos sacar a conclusión de que o meu punto feble no estilo crol está na acción das pernas. En concreto, as dúas accións máis incorrectas na miña técnica son as seguintes:

• As plantas dos pes non rompen a superficie.

• A profundidade do batido non é a correcta.

Estes dous aspectos da técnica poderán ser  corrixidos e mellorados a vez cunha elevación da potencia do batido, xa que, eu mesma noto que non teño flotabilidade e cando nado relaxadamente non bato coa suficiente forza.

Dous exercicios que me servirían para corrixir os anteriores aspectos son os seguintes:

Pes de crol con mans agarradas tras as costas:

·         Obxectivo: Propulsión de pes.

·         Descrición: Intentar levar a cabeza fora da auga, co queixelo sobre a superficie. Isto obriga bater de forma máis intensa.

·         Observacións: Para realizar este exercicio requírese unha patada potente.

·         Variantes: Realizar o mesmo exercicio con aletas ou en posición dorsal.

·         Patada lateral cun brazo en extensión:

·         Obxectivos: propulsión e correcta patada.

·         Descrición: Deitado sobre un costado lateralmente, un brazo estirado cara adiante e o outro pegado ao noso corpo. A cabeza repousa sobre o brazo estirado a maior parte do tempo, excepto para tomar aire. Bater pernas de crol e buscar a posición que che permita un mellor avance en liña recta.

·         Observacións: Este exercicio tamén require de unha boa patada. Para tomar aire, procura que a posición do corpo non varíe nin se fundan as pernas, para elo xira a cabeza cara a superficie. Se levantas e sacar a cabeza os pes fundiranse. Para non torcerte, podes mirar cara adiante.

·         Variantes: Cambiar de lado ou realizar o mesmo exercicio con aletas.

Seguindo coa posición das pernas, malia a mala realización dos anteriores aspectos mencionados,
a flexión de xeonllo, a coordinación do batido e a brazada e a relaxación e extensión dos nocellos
é correcta.

En canto ao resto da execución técnica, no referente a posición do corpo, parece que a miña
posición é case horizontal, sen movementos arriba e abaixo e realizo o rolido correctamente.
Non fago movementos laterais e a cabeza vai lixeiramente levantada.

Pasamos agora a acción dos brazos, a cal, segundo os meus compañeiros, realizo simetricamente.

En canto ao recobro, o meu cóbado guía a man e tanto este como os ombros están elevados

durante a acción. A man entra co cóbado alto e fronte ao ombro comezando a tracción baixo a auga, na cal se acelera. Dentro da tracción, o agarre é lento é profundo con cóbado alto; o tirón e o empuxe realízoo preto da liña media e a man sae polo muslo e sen pararse.

Para finalizar, Gus e Adri viron que a coordinación da miña respiración era correcta, sacando a cara a vez que comezaba o recobro e volvéndoa a introducir a vez que entraba a man.