- Autoavaliación estilo espalda

O segundo estilo que avaliamos foi a espalda, e o igual que no estilo crol, aquí deixo a ficha de avaliación onde os meus compañeiros puntuaron do 1 ao 4, sendo o 1 a menor puntuación e o 4 a maior, a miña técnica neste estilo.

Como no estilo crol, usarei esta ficha como referencia para a miña autoavaliación da técnica de espalda.

AVALIACIÓN DO ESTILO ESPALDA

ALUMNO AVALIADOR: Gustavo Jato Lapido e Adrián López Gonzalez

ALUMNO AVALIADO: Lucía López López

POSICIÓN DO CORPO	1	2	3	4
Lixeiramente inclinado			x
Cabeza fixa, orellas sobre a superficie			x
Peito elevado			x
Cadeira e muslos cerca da superficie		x
Realización do rolido			x

ACCIÓN DAS PERNAS	1	2	3	4
Pes estendidos			x
Xeonllos baixo a auga			x
Os pes “rompen” a superficie	x
Coordinación pernas-brazos (6 tempos)				x

ACCIÓN DOS BRAZOS	1	2	3	4
Estendidos durante o recobro			x
No plano vertical durante o recobro			x
Mans entran en liña co ombro		x
Entra primeiro o meñique			x
Agarre profundo			x
Flexión de cóbado no momento correcto			x
Traxectoria da tracción abaixo-arriba-abaixo				x
Acción correcta dos ombros			x
Sen parada ao comezo ou o final da brazada			x

RESPIRACIÓN	1	2	3	4
Respiración regular, sen “aguantar” a respiración			x
Boca abre e cerra, mandíbula relaxada			x

1. Acción moi incorrecta. 2. Regular. 3. Ben 4. Moi ben.

             

Analizando a anterior ficha, podemos ver que os meus principais erros neste estilo, e o igual que no estilo crol, teñen que ver coa potencia do batido, sendo este demasiado frouxo. Isto ocasiona os seguintes erros:

·         A cadeira e os muslos non están cerca da superficie se non que se afunden demasiado.

·         Os pes non “rompen” a superficie.

Outro fallo na técnica vémolo o final do recobro, cando o brazo entra na auga, e é o seguinte:

·         A man non entra na auga paralela o ombro. A pesar de realizar ben o recobro, parece que abro demasiado o brazo a hora de introducilo na auga.

Se seguimos analizando o resto da técnica podemos ver que a posición do corpo é lixeiramente inclinada, levando a cabeza fixa coas orellas sobre a superficie, un pouco máis alta que as pernas. O peito vai elevado e as cadeira e os muslos están cerca da superficie. 

Como xa comentei antes, con relación a acción das pernas, os meus pes non rompen a superficie, pero van correctamente estendidos. Os xeonllos mantéñense baixo a auga durante o batido e a coordinación pernas-brazos fágoa en 6 tempos.

Pasamos agora a acción dos brazos. Durante o recobro os brazos van estendidos e en plano vertical. A man, como xa dixen antes, a pesar de facer un bo rolido, non entra en liña co ombro, pero si entra primeiro o menique. 

Unha vez analizado o recobro, vemos a tracción, onde o agarre é profundo, realizando a flexión de cóbado no momento correcto, e facendo unha moi boa traxectoria abaixo-arriba-abaixo. A acción dos ombros é a correcta e non hai paradas nin o principio nin o final da brazada.

Por último, a respiración é regular, sen “aguantar “ a respiración e a boca ábrese e cerrase coa mandíbula relaxada.

Exercicios para mellorar o batido de espalda
  
Pes de espalda variando batido

Obxectivos: Darse conta de cal e sentir cal é o batido correcto

Material: Táboa

Descrición do exercicio: Deitado boca arriba, coa táboa agarrada por riba da cabeza, cos brazos estirados e pegados as orellas, batiremos primeiro suavemente, sen salpicar, logo batiremos moito salpicando e para finalizar o largo batiremos de maneira que os pes non salgan da auga pero que se cree unha espumiña.

Pes de espalda con táboa no peito

Obxectivos: Posición do corpo e propulsión dos pés.

Material: Táboa.

Descrición do exercicio: Deitado boca arriba, abrazaremos a táboa contra o noso peito e non deixaremos que se despegue deste.
Bater pés de costas e intentar "facer espuma". O pé non pode saír do auga.

Observacións:

• Os xeonllos non poden saír do auga.

• Non dobrar os xeonllos excesivamente.

• Os pés han de estar estendidos pero soltos e relaxados, permanecendo dentro do auga e rompendo a superficie ligeramente.

• Si non suxeitamos a táboa contra o noso peito, o tronco tenderá a afundirse.

Exercicio global de pes de espalda

Obxectivo: lograr nadar normalmente con un bo batido de pes

Descrición do exercicio: nadar de espalda con atención ao batido dos pes, sentindo que rompen a superfucie.