RAFTING

A actividade máis divertida do ano!

Xa case para despedir este curso escolar, achegámonos a Arbo, Pontevedra, para realizar a actividade máis divertida, e con máis adrenalina do ano, Rafting.

Saímos de Lugo as 9 da maña, e tras 2 hora e cuarto de bus, chegamos a Arrepións, a empresa ca que contratamos a actividade, que xa nos estaba esperando para repartir o material necesario (neopreno de 4 mm, chaleco e casco).

Unha vez equipados, Raquel, Laya, David Lorenzo e eu, por ser os primeiros en estar listos, achegámonos ao punto de inicio do descenso cos dous coordinadores, na Land Rober da empresa, para axudarlles a descargar, e inflar as lanchas. Mentres os nosos compañeiros ían no bus.

Cando xa rematamos de preparar as lanchas, chegaron os nosos compañeiros, coa outra coordinadora de Arrepións. Dividímonos en 3 grupos e déronnos unhas nocións básicas sobre este deporte, que logo o noso coordinador foi ampliando durante o descenso.

O meu grupo, co que me sentín realmente a gusto, e o pasei como unha “enana”, foi: David Lorenzo, Jorge, Adrián, Pablo, Raquel, Gustavo, Tamara, Juampy e eu.

Comezamos o descenso, e xa nunha das primeiras zonas de conflito, o noso coordinador, comentounos que íamos facer unha proba de confianza, deixándonos chocar contra unha das rochas, pero a proba de confianza saíu “ra”, xa que a lancha comezou a inclinarse e acabou dando a volta, baleirándonos a todos.

Ese momento foi un caos, sentín como Adrián me pasaba por riba, como me caía a lancha na cabeza, e perdín unha zapatilla, que os compañeiros doutra lancha me recuperaron. Pero a pesar de todo, acabou sendo un momento divertido e de subidón de adrenalina.

O resto de descenso foi xenial. Rescatamos a algún que outro compañeiro que caía da súa lancha, tirámonos dende unha rocha de uns 5-6 metros, nadamos nun rápido, cruzamos remuiños, gozamos das vistas...

Foron case 2 horas de descenso, que pasaron rapidísimo, e que sen dudalo repetiría, e que recomendo a todo o mundo.