Na última clase
de natación, ademais de seguir practicando os diferentes xiros de mariposa
simple e crol simple e de voltereta, tamén vimos os contidos que se deben
traballar na primeira etapa da ensinanza- aprendizaxe da natación, sendo estes
a respiración, a flotación e a propulsión.
E realmente importante a hora de ensinar a nadar non
saltarse ningunha das etapas de aprendizaxe:
·
1 etapa: O obxectivo principal desta
etapa é a supervivencia no medio acuático, sendo imprescindible traballar pois
a familiarización co mesmo, a respiración, a flotación e a propulsión. Para elo
hai que ofrecerlle aos alumnos unhas tarefas apropiadas para cada aspecto
propiciando así un coñecemento do medio e unha confianza no mesmo.
Ben, pois na clase do pasado luns traballamos estes aspectos
realizando as seguintes tarefas:
Respiración
-
Coller aire profundamente e soltalo contra a superficie da
auga abrindo así un burato na mesma.
-
Coller aire profundamente e soltalo coa boca metida na auga e
a nariz por fora na superficie da mesma.
Outro exercicios de respiración
Flotación
-
Coller aire profundamente e aguantalo mentres facemos unha
bola co corpo, e dicir colocándonos en posición fetal agarrando os xeonllos
boca a baixo.
-
Realizar o exercicio anterior, pero esta vez soltamos o aire
e comprobamos como nos afundimos ao non ter aire nos nosos pulmóns.
-
Coller aire profundamente e flotar estirado con pernas e
brazos abertos e estendidos sobre a superficie da auga.
-
Realizar o exercicio anterior, pero esta vez soltando o aire
para ver que pasaba
Outros exercicios de flotación
Propulsión
-
En flotación boca arriba mover os brazos e as mans de adiante
a atrás para desprazarnos na dirección da cabeza, e o contrario.
-
Realizamos o exercicio anterior pero boca abaixo.
-
En grupos de tres experimentamos todas as propulsións
posibles con brazos e pernas.
outros exercicios de propulsión
·
2 Etapa: Nesta etapa o obxectivo é
conseguir unha total autonomía de movemento no medio acuático con liberdade de
movementos, traballando así os desprazamentos, xiros, saltos, lanzamentos e
recepcións. Debemos ofrecerlle ao alumno ou alumna o abanico máis amplo posible
de posibilidades de movemento a través de todos os recursos de xogos e tarefas
dirixidas, no medio acuático sen incidir demasiado na técnica de natación.
·
3 Etapa: Nesta última etapa o
obxectivo é conseguir unha aproximación e iniciación aos xestos e movementos
básicos das especialidades deportivas da natación, traballando aquí a técnica
das diferentes modalidades de natación. Debemos, nesta etapa, ofrecer ao alumnado
unha progresión metodolóxica na aprendizaxe das distintas técnica.
Atopei un documento realmente interesante con respecto a ensinanza aprendizaxe da natación, aquí vos deixo o link: Etapas na ensinanza-aprendizaxe da natación
Como xa dixemos antes tamén realizamos viraxes de crol
e mariposa, e fixémolo dunha maneira moi dinámica, comezando o nado dende o
centro cara os bordes. Primeiro, dende o centro nadamos a mariposa ata un
borde, onde realizamos o viraxe de mariposa, logo nadamos igual ata o centro,
onde comezamos a nadar a crol e o chegar ao borde realizamos viraxe simple de
crol, e así sucesivamente. Isto fixo que o exercicio fose máis dinámico, xa que
non había paradas, e non bordes non había ninguén que puidese interromper o
noso viraxe.
Tamén, con relación aos viraxes, fixemos un exercicio
en parellas, que consistiu en corrixir o viraxe de crol e mariposa da mesma.
Para facer isto, como sempre debemos ser prudentes e corrixir de un en un os
diferentes erros para non volver tola a nosa compañeira ou compañeiro.
