A música é un dos elementos que integran
certas disciplinas deportivas. A elección da mesma determina o estilo e o
carácter da execución do exercicio. O achegamento a este tipo de disciplinas
desde o punto de vista musical abre camiños alternativos e motivadores cara ao
coñecemento das mesmas.
A sintonía entre a música e o exercicio
técnico deportivo é un aspecto moi importante á hora de que unha acción sexa
máis ou menos coherente. A análise desde o punto de vista musical, dános paso
non só ao mundo deportivo, senón ao musical.
A través deste enfoque accédese ao
coñecemento deportivo desde a perspectiva artística. Coreografía, coordinación,
ritmo, pulso, agógica, dinámica, carácter e estilo son conceptos que coexisten
en exercicios deportivos de gran técnica. Disciplinas minoritarias como o
patinaxe ou a ximnasia rítmica poderían atopar neste tipo de análise un xeito
de ampliar o seu campo de interese.
A natación sincronizada ou ballet
acuático implica o desenvolvemento de coreografías no auga acompañados de
música tanto na superficie como debaixo do auga. Este deporte olímpico (o é
desde 1984) é maioritariamente feminino (aínda que en Estados Unidos e Canadá
ten maior participación masculina). Hai tres modalidades: individual, parellas
e grupos. Os exercicios destacan por ser un conxunto de acrobacias e execucións
de gran flexibilidade, coordinación e resistencia tanto fora como dentro do
auga sempre en sintonía coa música (hai altofalantes subacuáticos para que as
nadadoras poidan seguir escoitando a música debaixo do auga).
PATINAXE
ARTÍSTICO
As súas orixes lévannos a Holanda no
século XVII, cando os patinadores uniron patinaxe con danza buscando harmonía e
estética nesta disciplina. Hai catro modalidades: individual masculino,
individual feminino, por parellas e danza. Esta última é onde máis se traballan
os aspectos artísticos xunto cos deportivos.
XIMNASIA
RÍTMICA
A ximnasia rítmica é unha das seis disciplinas
que se integran na ximnasia (rítmica, artística, trampolín, aeróbica,
acrobática e xeral). A ximnasia rítmica nun principio acompañábase da música
dun piano en directo e actualmente pasou do uso da música clásica xeneralizada
á elección de repertorios máis actuais. Conta con dúas modalidades: individual
e de conxunto e utilízanse diversos aparellos: cordo, aro, pelota, mazas e
cinta.
EXCLUSIVO FEMININO? A ximnasia rítmica
en principio é exclusivamente feminina. España é país pioneiro en admitir
participantes masculinos. En 2009 a federación admitiu a Rubén Orihuela no
campionato nacional.
Os exercicios ximnásticos combínanse coa
música de maneira que o resultado sexa unha combinación técnica e artística.
Unha das súas características é que ten moi en conta a música e os movementos
artísticos e expresivos que a acompañan sen perder de vista a execución técnica
dos exercicios.
OUTRAS
DISCIPLINAS
Outras disciplinas non olímpicas como o
patinaxe sobre rodas ou o capoeira. E tampouco esqueceremos o papel da música
en actividades deportivas máis estendidas como o aeróbic, aquaerobic, pilates, running e
ou spinning. Todas estas e outras modalidades axúdanse da música para apoiar os
exercicios.
Ningún comentario:
Publicar un comentario