ATLETISMO: Marcha atlética e avaliación vallas

De novo nas pista, o pasado mércores a tarde, realizamos a práctica de atletismo, e esta vez tocou avaliar o paso de valla dos nosos compañeiros e un pequeno acercamento a marcha atlética.

Para comezar esta práctica, o igual que na anterior sesión, por grupos, e seguindo unhas pautas marcadas por Eduardo, guiamos o noso quecemento. (ver última entrada de atletismo, “Entrenamos nas pistas”).

Ainoha Pinedo

Unha vez feito o quecemento comezamos a “marchar”, cada un a súa maneira, e tendo en conta a técnica, xa que previamente, na clase, vimos os diferentes aspectos desta especialidade atlética e visualizamos algún vídeo, que nos axudou a hora de comezar a nosa experiencia persoal. 

Tratábase de mesturar andar e marchar, en tramos curtos, para ir entendendo e acostumando o noso corpo a este novo movemento.

Logo fixemos unha progresión que nos facilitou a marcha. Consistía en andar aumentando a velocidade ata o punto de ter que empezar a correr, e nese momento era onde tiñamos que comezar a marchar.

Démonos conta de que canto máis rápido marchabamos, máis fácil era a súa execución.

Con esta toma de contacto feita pasamos a observar, en grupos, aos nosos compañeiros, para axudarlles na súa execución, e para axudarnos a nos mesmos a visualizar e interiorizar as diferentes partes e movementos da marcha.

Os erros que puidemos ver foron:

• Falta de bloqueo do xeonllo.

• Flotación.

• Ombros elevados.

• Movemento de brazos esaxerado ou descoordinado.

• Brazos sen flexión de 90º.

• Tronco demasiado adiantado ou atrasado.

• Non apoiar a perna de ataque co talón.

A pesar de que non temos unha técnica correcta, nesta sesión todos “marchamos”, e puidemos sentir esta nova experiencia que nos servirá para analizar e comprender mellor a técnica.

Ademais de marchar, nesta sesión tamén avaliamos os diferentes aspectos do paso de vallas dos nosos compañeiros, usando para elo unha ficha de control de técnica de vallas que previamente elaboramos en grupos e que podedes ver no apartado de “artigos e traballos”.

Na ficha hai varios puntos a valorar, e é imposible que nunha soa pasada de vallas se podan valorar todos, polo que en cada paso de vallas valoraríamos un ou dous. No noso grupo ocorréusenos que, xa que eran moitas as veces que cada persoa tiña que pasar a valla, no canto de avaliar todos os aspectos do paso de valla dunha persoa seguidos, o foramos facendo por bloques, co cal nos iríamos roldando para pasar as vallas, e evitamos así a fatiga.

Esta idea tamén se lle ocorreu a outro grupo de compañeiros, e foi valorada positivamente polo profesor, o cal o final da sesión, lle la comentou o gran grupo.

Con relación a isto, quería comentar que o noso profesor o final de cada sesión reúnenos a todos e fai unha valoración final da mesma, comentándonos aspectos de interese para todos que ocorreron no pequeno grupo, ou simplemente facendo un resumo dos aspectos importante da sesión. Esta avaliación final é imprescindible para facer postas en común e centrar a nosa aprendizaxe.

Unha vez relatados os aspectos que considero importantes da pasada sesión paso a comentar os aspectos básicos da marcha:

MARCHA

O artigo 230 do regulamento da IAAF define a marcha como unha progresión de pasos de maneira tal que o marchista se manteña en contacto co chan, a fin de que non se produza perda de contacto visible (a simple vista). A perna que avanza ten que estar recta, e dicir, non dobrada polo xeonllo, dende o momento do primeiro contacto co chan ata que se atope en posición vertical.

• Probas de marcha:

-          -20 km marcha (masculina)

-          -50 km marcha (masculina)

-          -10 km marcha (feminina)

• 2 principios fundamentais da marcha:

-          Contacto co cha ininterrompido: Non existe fase aérea (diferenza fundamental con respecto a carreira). Non se poden ter os dous pes no aire o mesmo tempo. Diversos xuíces situados o longo do recorrido das probas encárganse de facer respectar esta regra e vixían que o pe que avanza tome contacto co chan antes de que o pe retrasado se separase do mesmo.

-          A perna que avanza, no momento de tomar contacto polo pe co chan, ten que estar recta (non dobrada polo xeonllo):  Igual que no anterior principio, os xuíces observarán si a perna permanece recta no momento de tomar contacto co chan, ao menos un momento.

• Infaccións

Os marchadores que non se axusten a estes principios serán advertidos e posteriormente descalificados (3 advertencias supoñen a eliminación que se produce instantaneamente).

Os xuíces van equipados con unhas paletas nas que van indicando ao atleta a infracción cometida. Déronse casos de eliminacións a  poucos metros da liña de meta, xa que é entonces cando os marchadores rozan máis claramente a infracción, xa que é cando elevan o ritmo de marcha e forzan máis.

-Avisos

Os atletas teñen que ser avisados cando, polo seu modo de progresión, corren o risco de incumprir os principios anteriores.

Seralles mostrada unha paleta amarela cun símbolo en ambas caras segundo a irregularidade cometida.

Non poderán ser avisados pola mesma infracción dúas veces polo mesmo xuíz. Cando se avisa a un atleta, o xuíz ten que informar de esta acción ao xuíz xefe.

-Tarxetas vermellas

Cando o xuíz observa a infracción, en calquera momento da proba, o xuíz enviará unha tarxeta vermella ao xuíz xefe.

-Descalificación

Cando tres tarxetas vermellas de tres xuíces diferentes foron enviadas o xuíz xefe do mesmo atleta, o atleta será descalificado e e informado desta descalificación polo xuíz xefe mostrándolle ao atleta unha paleta vermella.