“Dime e
esquézoo, ensíname e lémbroo, involúcrame e apréndoo”
Benjamin
Franklin
Na última sesión de natación realizamos exercicios de
perfeccionamento de técnica e tamén observamos aos nosos compañeiros nadando
crol e espalda.
Perfeccionar a técnica é moi importante, tanto para
aprender a nadar correctamente, como para ter interiorizados os movementos
correctos e poder transmitirllos e ensinarllos aos nosos alumnos, como futuros
técnicos.
Pero ademais de saber nadar correctamente tamén é
realmente importante aprender a observar, por iso nesta sesión ademais de nadar
tamén vimos como nadan os compañeiros.
Este exercicio de observación ten múltiples beneficios,
un deles é que o ser observado polos seus compañeiros o nadador executara a súa
mellor técnica, polo que estará a realizar un exercicio de calidade.
Outro aspecto positivo da observación é a posibilidade
de ter varias opinións sobre a nosa maneira de nadar, xa que non so nos está a
observar o adestrador ou profesor, se non que nos observaran outros
compañeiros, e cantos mais ollos nos miren, e opinións teñamos, máis aprenderemos
e máis nos enriqueceremos.
Con relación a isto, é importante ter en conta, como
futuros técnicos deportivos, que unha segunda opinión sempre é positiva. O que
pretendo transmitir é que a hora de exercer de adestradores ou de mestres, e
ter ao noso cargo a un grupo de alumnos/as, e positivo, tanto para eles como para
nos, contar coa opinión doutro compañeiro de profesión, con relación tanto a
nosa maneira de traballar como a execución da técnica dos nosos alumnos/as.
O exercicio de observación no noso caso, como futuros
técnicos e como aprendices, non so ten connotacións positivas para a persoa que
nada, se non que tamén é beneficioso para a persoa que observa, a cal está
aprendendo dos seus compañeiros, vendo diferentes formas de nadar, e ademais
aprende a observar e a corrixir adecuadamente.
Con relación a esta corrección é importante ter en
conta que non so debemos dicirlle ao noso alumnado os aspectos a mellorar, se
non que primeiro hai que motivalos dicíndolles os aspectos positivos da súa
execución, para logo introducir un por un os aspectos a mellorar. E así o
fixemos hoxe a hora de corrixir a técnica de crol do noso compañeiro.
Seguindo co tema da observación, é importante tamén
que cando observemos a técnica dunha persoa esta non estea fatigada, xa que
diminúe a coordinación, a forza, a concentración..., e polo tanto a calidade
técnica desa persoa diminuiría. Para que isto non pasase, nos exercicios de
observación que realizamos en clase en vez de nadar todo o largo seguido,
nadabamos medio largo e descansabamos para logo continuar.
Despois de ver os anteriores aspectos metodolóxicos
pasarei a relatar os exercicios técnicos realizados na sesión.
Comezamos como todos os luns repasando a patada de
braza, nadando medio largo a braza con
atención a patada e medio largo a espalda con brazadas continuas e rápidas
(molinillo) para descansar de braza e practicar tamén este estilo.
Se recordades había un grupo ao que aínda lle custaba
realizar esta patada e que estaba a traballar por separado para lograr a súa
execución. Este grupo realizaba o xesto da patada (nocello en flexión, coa
pantorrilla en tensión ata a interiorización do movemento), unhas cinco veces,
e nadaba un tramo curto, para repetir a operación, e ir aprendendo o xesto.
Pois ben, este grupo xa esta case baleiro e todos temos aprendido o xesto,
malia que a algúns nos custe algo máis interiorizalo.
Nesta sesión eu tiven que volver ao grupo do que vos
falaba xa que Eduardo na pasada sesión deuse conta de que algo non estaba
correcto na miña execución técnica. Pero so tiven que estar uns minutos para
recordar o xesto. Eduardo avisoume de que o problema estaba no pe esquerdo, eu
dinme conta e corrixino, polo que puiden volver ao outro grupo, xa que a tarefa
de interiorizalo e asumilo era cousa miña, e so se consegue con práctica.
É importante, e Eduardo sempre nolo recorda, que unha
vez aprendido o xesto ninguén de nin unha sola patada mal, para non mal
acostumarnos. Se vemos que non realizamos ben o xesto técnico e preferible
parar, recolocarnos e volver a comezar.
Despois deste exercicio collemos as aletas e
realizamos os exercicios de técnica de espalda que realizáramos a sesión
pasada.
- Nadar de espaldas levando o ombro ao queixelo alternativamente e esaxerando o xesto para conseguir un bo rolido.
- Nadar de espaldas igual que antes pero incluindo a acción dun dos brazos medio largo e do outro brazo o outro medio largo.
- Nadar un largo igual que antes pero cos dous brazos alternativos.
- Xa sen aletas, e para nadar xa de forma máis natural, nadamos medio largo de espaldas con movemento continuo de brazos e rematamos o largo nadando a braza atendendo a patada.
Ademais de practicar espalda tamén practicamos a respiración de crol realizando os
exercicios que xa coñecemos segundo as dificultades a a progresión persoal.
Para ver estes exercicios podedes visitar as entradas anteriores sobre
natacion.
Para finalizar, ademais dos exercicios de observación
que mencionei anteriormente realizamos 3
zambullidas.
