PROGRESANDO NA PISCINA

“Tus probabilidades de éxito aumentan cada vez que lo intentas”

Mireia Belmonte

Como afirma a nadadora Mireia Belmonte canto máis o intentemos e máis practiquemos mellor nadaremos, e maior será o noso éxito, por iso, nos, os alumnos do ciclo TSAFD de Lugo, todos os luns imos a piscina a seguir progresando. 

Pouco a pouco todos nos imos sentindo máis a gusto dentro da auga, e mellorando o nosa técnica de natación.

O luns pasado comezamos a sesión igual que o luns anterior, dividíndonos en dous grupos para practicar a patada de braza. O grupo con máis dificultades para a comprensión deste tipo de patada estaba con Eduardo aprendendo primeiro simulando a patada e a posición dos pes fora da auga e logo dentro. O outro grupo estaba con Juan e estes xa nadaban medio largo a braza, fixándose na posición das pernas e dos pes, e medio a espalda, para ir recuperando folgos e familiarizándose con este estilo.

A diferenza da primeira sesión, nesta xa houbo moitos compañeiros que cambiaron de grupo e pasaron a nadar medio largo a braza e medio a espalda, o que nos da a entender, que con unha boa progresión, práctica e ganas podemos mellorar rapidamente.

De novo, nesta sesión practicamos a respiración por ambos lados en crol, e se recordades, todos tíñamos que respirar en cada ciclo pero cada persoa facía un exercicio diferente dependendo das súas dificultades. Os que tiñan controlada a respiración por ambos lados nadarían medio largo respirando por un lado e medio polo contrario. As persoas que lles custaba un pouquiño máis respirar por un dos lados, tiñan que respirar as primeiras veces por ese lado e logo respirar polo outro o resto do largo. E por último as persoas que aínda non eran capaces de sacar a cabeza con soltura por ningún dos lados, tiñan que nadar sen sacar a cabeza ata que estivesen preparados, entón sacaríana unha ou dúas veces, pararían e repetirían de novo o exercicio controladamente. Todo isto coa axuda das aletas, que fan todo máis sinxelo.

Todos estes exercicios o primeiro día realizámolos todos xuntos, cada un pola rúa que quixo, pero esta vez fixemos unha separación física, e dicir en cada rúa realizaríase un exercicio, así Eduardo e Juan puideron centrarse mellor naquelas persoas que tiñan máis dificultades. 

Outros exercicios que realizamos todos xuntos forón:

• Boca arriba nadar levando o ombro ao queixelo alternativamente, cada vez cun ombro distinto. Así practicamos a técnica de nado a espalda.

• Boca arriba, cos brazos pegados ao corpo e este ríxido, desplazarnos cun movemento de cadeira tentando non dobrar moito os xeonllos. Así empezamos a ver e a practicar un novo estilo para nos que é a mariposa.

• Boca abaixo e coa axuda dunhas tablas que agarrabamos coas mans e nos axudaban a flotar repetimos o exercicio anterior, centrándonos no movemento de cadeira. Así progresamos na técnica de mariposa

• Xa sen tabla e movendo os brazos a vez como nos parecese e as pernas como aprendemos, intentamos simular o nado de mariposa. A verdade e que foi todo unha experiencia.

•  Por último, aprendemos, ou practicaron os que xa sabían facelo, o salto para entrar na piscina. Os que xa sabían facelo puxéronse a parte e fixeron uns cantos saltos antes de irse, e os que non sabíamos quedamos con Eduardo que nos ensinou como empezar a prácticar.

 Primeiro, cos dedos dun pe agarramos o borde da piscina, para non esvarar, a outra perna flexionada co xeonllo no chan, a cabeza pegada o corpo e os brazos estendidos por riba da cabeza e xuntos, deixámonos caer cara adiante ata que a gravidade facía que nos caésemos.

Logo algúns xa nos atrevemos a levantar un pouco o xeonllo que estaba apoiado no chan e facer un salto dende máis arriba.

A verdade e que non é algo que me resulte agradable, pero seguro que é cuestión de intentalo e practicalo.