LUNS DE PISCINA

“Aprende dos teus erros para poder gozar ao máximo de cada un dos teus triunfos”.

Mireia Belmonte

De novo falarei dos progresos e os exercicios que cada luns realizamos na piscina.

O pasado luns repetimos algúns dos exercicios que xa sabíamos para ir interiorizándoos e tamén realizamos novos exercicios para seguir progresando na nosa aprendizaxe.

O primeiro exercicio é un dos xa coñecidos, o de nado a braza fixándonos nas pernas. Recordareivos que neste exercicio formábamos grupos segundo as dificultades de cada quen a hora de realizalo, pois ben, o pasado luns xa quedaba moi pouca xente no grupo das persoas que non eran capaces de realizar ben a patada de braza.

Eu, este luns terei que volver a este grupo para repasar a miña patada, xa que, malia que dende o primeiro día parecía que non tiña ningunha dificultade, Eduardo, nesta clase, fixouse en que a hora de realizar a patada a perna esquerda non ia correctamente. Quizais era a causa do cansazo ou quizais non tiña a patada ben interiorizada.

Aquí deixo un vídeo onde se ven moi ben os movementos de braza en cámara lenta, e outro onde podemos ver aos nadadores en plena ácción. 

Quero destacar aquí que, como nos comentou Eduardo, é realmente importate para analizar e comprender calquera técnica dun deporte velo dente todos os ángulos e planos posibles, e tamén en cámara lenta, e co seu movemento normal.

100 m. braza. Record España

Para o segundo exercicio colocamos as aletas que nos facilitan o desprazamento e evitan que nos cansemos rapidamente, polo que podemos fixarnos mellor nos nosos movementos. 

O exercicio era tamén coñecido para nos, pero esta vez realizámolo moito mellor que a vez anterior. Consistía en nadar boca arriba levando os ombros ao queixelo alternativamente, esaxerando o xesto, para así lograr facer correctamente o rolido.

Posteriormente, e como ampliación do exercicio anterior, nadamos da mesma maneira pero esta vez engadimos o movemento cun brazo. E dicir, nadamos boca arriba, levando o ombro ao queixelo, pero cun dos brazos seguimos o movemento facendo o recobro e a tracción do mesmo, fixándonos en levar o brazo estendido e cerca da cabeza a hora de introducilo na auga. Tamén era importante fixarnos en que a palma da man saíra da auga mirando cara o corpo e na metade do recobro cambiara de sentido entrando primeiro na auga o dedo meñique. Ao rematar o largo cun brazo fixemos a mesma actividade co outro. E como non ao final realizamos a actividade cos dous brazos, facendo así o movemento completo de natación de espaldas.

É importante que os exercicios ademais de realizalos a modo para mellorar a técnica, tamén se realicen como realmente serían, cun movemento continuo e rápido, por iso, para rematar este exercicio nadamos medio largo de espalda de forma rápida e continua, volvendo ao lugar de partida nadando a braza.

Por último practicamos as zambullidas, e realizamos 8 largos libres, e dicir, escollendo nos o estilo que queríamos nadar en cada largo.

Por agora ahí o deixamos, pero seguireivos comentando os nosos luns de piscina.