“A xente pregúntame por que corro. Eu dígolles: por qué deixastedes de
correr?”
Jeremy wariner
Correr é algo natural, innato, pero a correr ben, de
forma efectiva hai que aprender. Por iso na última sesión práctica de atletismo
repetimos os exercicios de técnica de carreira da sesión anterior, así como a
observación dos nosos compañeiros correndo e a corrección dos aspectos que
víamos que se podían mellorar.
Na última sesión tamén aprendemos o funcionamento das carreiras de
relevos, e fixémolo dividíndonos en pequenos grupos. Cada grupo
colocado nunha rúa da pista, primeiro tivemos que, sen movernos do sitio, e ben
colocados (o primeiro relevista corre pola esquerda levando o relevo na man
dereita, o segundo relevista recibe o testigo no lado dereito ca man esquerda,
o terceiro relevista recibe o testigo no lado esquerdo e ca man dereita, e o cuarto
relevista recibe o testigo no lado dereito coa man esquerda e finaliza a
carreira), pasarnos o testigo “de arriba abaixo”.
Como vemos na foto, para pasarnos o testigo correctamente,
o relevista de adiante estende o brazo cara atrás e lixeiramente arriba, coa
palma aberta e o pulgar separado, a sinal do seu compañeiro, o cal deposita o
testigo na man do primeiro con un movemento de arriba a abaixo. O relevista que
vai diante nunca mira cara atrás.
Outra maneira de pasar o testigo que tamén practicamos
en estático é “de abaixo a arriba”, que se realizaría da mesma maneira que o
anterior, coa diferenza de que o relevista de adiante non estende tanto o brazo
cara atrás, e o relevista que pasa o testigo faino con un movemento de abaixo a
arriba.
Unha vez practicado en estático, probamos a facelo en
movemento, pero moi a modo. Aquí vimos que en movemento e máis difícil a
coordinación entre os dous relevistas.
Cando xa fomos automatizando este movemento e o
tíñamos medianamente controlado, Eduardo marcou con conos a chamada prezona e a
zona, para facer cambios de testigo, pero esta vez en sping, como se faría nos
campionatos.
A Prezona e a área que utiliza o receptor para coller
a velocidade óptima para realizar o intercambio , e ten 10 m. de lonxitude. E a
zona, e a área onde se fai o intercambio do testigo, tendo esta unha lonxitude
de 20 m. Se un corredor entrega o testigo fora desta zona quedara
descalificado.
Pois ben, como xa dixen, Eduardo acotou estas dúas
zonas, e nos por parellas realizamos os ensaios, baixo a súa supervisión para
corrixir os erros que tíñamos.
Os erres máis comúns foron os seguintes:
- O corredor receptor saca o brazo dende o momento no que empeza a correr.
- O corredor receptor da a volta durante a acción de cambio.
- O relevo efectúase fora da zona.
- O corredor receptor comeza a correr antes do devido.
- O corredor receptor non colle a velocidade adecuada no momento do cambio.
- O corredor portados a vez que da a sinal estira o brazo, sen esperar a ver a man do receptor.
O rematar esta práctica de relevos moitas das parellas
xa facían perfectamente o cambio de testigo.
Por último practicamos o paso de vallas. Se recordades na
última sesión fixéramos uns exercicios de paso de valla andando, coa perna de
ataque por riba da valla e a outra por fora e o contrario. Por ben, esta vez,
fixemos o mesmo pero pasando as dúas perna por riba da valla.
Isto, o igual que na anterior sesión mesturámolo con
paso de valla correndo.
Ningún comentario:
Publicar un comentario