SEGUIMOS CON ATLETISMO: técnica, saídas e vallas

“A verdadeira competencia ten que ser con un mesmo” 

Carl Lewis

Esta semana fixemos unha práctica de atletismo e traballamos a técnica de carreira, a saída (de pe e con tacos) e o paso de vallas.

Comezamos realizando cinco exercicios de técnica de carreira todos xuntos que nos serviron para o quecemento. O primeiro foi skiping con talóns por debaixo dos glúteos; o segundo patada de fronte con perna estirada; o terceiro foi elevación de perna con xeonllo flexionado e unha vez arriba estendelo para volver a baixalo e pasar a outra perna; o cuarto elevación de xeonllos alternativamente e por último repetimos o anterior pero engadindo palmada por debaixo da perna que se elevaba. 

Unha vez activado o organismo e aprendidos os exercicios pasamos a realizalos en grupos alternándoos con carreiras. Todos os membros do grupo realizamos un a un os exercicios atendendo a que os compañeiros non tivesen problemas en realizalos, e entre cada exercicio todos corremos para que os nosos compañeiros se fixasen en nós e nos indicasen que aspecto debiamos mellorar ou corrixir. 

A continuación tocoulle a quenda a saída na carreira, a cal xa víramos en clase mediante vídeos, e agora tocaba probala en primeira persoa. 

Aquí xuntámonos en grupos de oito compoñentes (resultou fácil, xa que so nos tíñamos que unir cada grupo de catro a outro grupo de catro), e de catro en catro practicamos, primeiro, a saída de pe ( para ver que pe colocamos diante e detrás), baixo a atenta mirada dos nosos compañeiros que tiñan que observar si o brazo co que saiamos era o contrario a perna que impulsaba, para obter unha maior propulsión; e logo a saída de tacos, onde tivemos que buscar a posición de tacos que máis nos favorecera. A verdade e que colocar os tacos é verdadeiramente complicado, e moitos de nos non logramos saber aínda por cal posición optar.

 Aquí vos deixo un vídeo de un análise de saída de tacos que me pareceu interesante polas conclusións finais despois de analizar a varios corredores:

Por último vimos unha técnica para aprender e mellorar o paso de vallas, que consistía en, a modo, pasar a perna de ataque por riba da valla e a outra por fora, logo cambiábase, pasando a perna de ataque por fora da valla e a outra por riba dela. Pero o igual que na respiración en crol, non so se debe aprender por un lado se non, que debemos saber facelo polos dous, por iso, logo tocoulle a quenda de ataque a perna mala.

 

Unha vez practicado isto durante un tempo pasamos a alternalo con paso de vallas correndo, pero esta vez debíamos atacar sempre coa mesma perna todas a vallas, e procurar dar os mesmos pasos entre elas.

Para comezar podiamos dar os pasos que quixéramos entre as vallas, pero dado que as zancadas teñen que ser longas, despois dun tempo practicando, tiñamos que ir procurando dar menos zancadas.